"Шығармашылық шеберхана" іс шара "Балапан тобы" педагог Ардабай Е.

Рәміздер күні

Шығармашылық шеберхана

Мақсаты: Балаларды Қазақстан Республикасының мемлекеттік рәміздерімен таныстыру.

Тудың түсін, күн мен қыран бейнесін ажырата білуге үйрету.

Желімдеу, жапсыру дағдыларын дамыту. Отанға деген сүйіспеншілікке тәрбиелеу.

Қажетті құралдар:

*Көк түсті қағаз

*Күн мен қыранның дайын қиындысы

*Желім

*Сүлгі

Іс-әрекет барысы:

1.Шаттық шеңбері

Балалармен амандасып, жақсы көңіл күй сыйлау.

ҚР-ның мемлекеттік әнұранын айту.

2. Тәрбиеші Қазақстанның туын көрсетеді.

-Бұл не ?

-Тудың түсі қандай?

-Туда не бейнеленген?

Балалардың жауаптарын тыңдау.

Шығармашылық жұмыс

Балалар көк қағазға дайын күн мен қыран бейнесін жапсырады.

Топпен жұмыс

Дайын қиылған суреттерді көлеңкесіне қойып орналастырады.

Сергіту сәті

Көк байрағым желбіре,

Көк нұрымен нұрлана.

Біз бақытты баламыз,

Қазақстан-Отаным!

Барлық бала ортада тұрған суға көк түсті қосып тудың бейнесін шығарады.

Қорытынды

Балалардың жұмыстарын қарап, мадақтау.