"Сиқырлы құм"

Тақырыбы: Сиқырлы құм.

Мақсаты: Балаларды демалдыру,қолдарының ұсақ моторикасының дамыту.

Технологиялық қамтамасыз ету: Түсіндірме жұмыс жасау,ойын,кинетикалық құм.

Барысы: Сәлеметсіңдер ме,балалар! Бүгінгі біздің жұмысымыз ерекше болмақ.Сендер күнделікті орталықта құм,сумен жұмыс жасап жүрсіңдер.

Ол құм бізге таныс-кәдімгі құм.

Бүгінгі жұмыс жасайтын құмымыз мүлдем басқаша.Қазір мен сендерге көрсетемін.

-Бұл құм балалар, қолыңа ұстасаң  жұқпайды және саусақтардың  арасынан

су секілді ағып кетеді,жан-жаққа шашырамайды.

-Бұл-сиқырлы құм.Бұл құм әр түрлі  түсте болады.Сол себепті бүгінгі жұмысымыздың  тақырыбы «Сиқырлы құм»,-деп аталады.Ендігі жұмыс жасап көрейік.Құмдар  әр түрлі болғандықтан  сендер қалаған,ойлаған нәрселерді  жасай аласыңдар. Ортадағы үстел үстінде түрлі- түсті гүлдер мен түрлі-түсті құмдар бар,қазір сендер өз қалауларың бойынша  қалаған  гүлдердер мен заттарыңды   алып жұмыс жасайсыңдар.

Жұмысымызды  бастамас  бұрын  біз «Жаңбыр» ойынын ойнаймыз.

Балалар, біз  серуенге  шықтық, ауа-райы керемет, осы керемет ауа-райын сезінгенімізді  білдіру үшін  қолымызды жоғары көтеріп,бір-бірімізге   қарап

күлімдейік,күн шығып тұр,біздің  көңіл-күйіміз  тамаша  (Балалар жұдырықтарын түйіп,қолдарын кеуде   тұсына қояды,түрлерін суық қылады),

жел соқты(алақанды  алақанға жылдам уқалау),жаңбыр сіркіреді (саусақтарды сыртылдату),жаңбыр жауды «шапалақтау»жаңбыр қатты жауды «алақанмен тізені қаттырақ соғу».

-Жарайсыңдар,енді жұмысымызға кірісейік.Барлығымыз  алдымыздағы  тұрған ыдыстарға қалаған  құмымызды саламыз.

(Жәй әуен қосылады,балалар жұмыс жасайды).

Әр баладан қандай  құм  таңдап алғанын,не үшін,не жасамақ ойы бар екенін сұрау. Балалар  жауап береді.

-Жарайсыңдар,балалар,сендер керемет жұмыс жасадыңдар.

-Сиқырлы  құммен  жұмыс жасау  сендерге ұнады ма?

Осымен біздің бүгінгі жұмысымызды аяқталды.

-Балалар, рахмет сендерге!