"Тәуелсіздік күніне арналған" ертеңгілік.

Тақырыбы:  Тәуелсіздігім – мақтанышым!
 

(Муз. әуенімен балалар залға кіреді)

1 –жүргізуші:       Елім менің, тәуелсіз жерім менің,
                               Күннен алған шуақты өмір дәмін.
                               Рухы ұлттың өсіпті өлместей боп,
                               Көк байрағын төбеме көтерген күн!

2-жүргізуші
Құрметті балалар, қадірлі қонақтар! Сіздерді еліміздің Тәуелсіздік күнімен құттықтаймыз.
Сіздерге зор денсаулық, ашық аспан, Отанымызға тыныштық тілейміз.

Бүгінгі тәуелсіздік күніне арналған ертеңгілігімізді бастаймыз.

Хор:  «Қазақстан бақыты»

                                 Отан дейміз от жаққан жерімізді.
                                 Отан дейміз өсірген елімізді.
                                 Отан дейміз туған жер, атамекен,
                                 Биік тау, орман, тоғай, көлімізді

Тақпақтар

              Мерекеге шығады,
             Бүкіл халық, біліп қой.
            Отандастар ұғады,
            Тәуелсіздік - ұлы той.         Мадияр

              16-шы желтоқсан -
             Тәуелсіздік алған күн
             Мерекені ел тосқан,
             Шырқатып ән саламыз.      Медина

              Гүл жайнаған Астана,
              Қазақстан отаны.
              Бірін-бірі сыйлаған,
              Туысқандар отаны.           Сергей

             Бақытты боп жүргенім -
            Сенің арқаң, Қазақстан!
           Елім - менің тірегім,
           Құшағында гүл атам.           Али        

 1 –жүргізуші:      

- Тәуелсіздігім – мақтанышым! мәңгі тақырып. Қазағымыздың өлмейтін, өшпейтін тарихы ол!  Мемлекетіміз қалай аталады?  (Қазақстан)
2-жүргізуші  Дұрыс, Қазақстан.

Слайд:     Тәуелсіздігім- мақтанышым!

1. жүргізуші:     

               Тарихы бар дастанындай ерліктің,
               Дәстүрі бар үлгісіндей елдіктің.
               Қазақстан-алтын бесік Отаным.
              Ұлы ордасы татулық пен теңдіктің.                                                                                                     

Ән:«Жаса Қазақстан»   Аяулым

2-жүргізуші:

Би:  «Марш»   ұлдар мен қыздар

1. жүргізуші:     

               Ата-бабам жанын қиып қорғаған,
               Тәңірі қолдап, бақ-береке орнаған.
               Қазақстан, азат елсің сен бүгін,
               Ақ тілегін болашаққа арнаған.

 Тақпақтар
                       

             Сарқылмайтын қуатым,
             Тірегімсің, Қазақстан.
             Мәңгі соғып тұратын,
             Жүрегімсің Қазақстан.       Аяужан

                Отан-асыл анамыз,
               Ана сүтін ақтаймыз
               Есейгенде ел болып,
               Елді жаудан сақтаймыз             Сырым.

             Айнымайды аспаннан

              Біздің туы бояуы

             Оны  халық қашанда

               Биікке іліп қояды.                    Айым.

                16- желтоқсан

                 Тәуелсіздік  алған күн

                 Мерекеде ел куанып

                Шаттанып ән салған күн             Ботагөз

2-жүргізуші:                                                                                                             

Ән:  «Егемен Қазақстан»   Серік Қажыбек

1 –жүргізуші:                                           

                                      Бақыт құсы қонды ғой,
                                      Бүгін туған жеріме,
                                     Тіліміз бен дініміз,
                                      Қайта келді еліме.
 

Тақпақтар
Жұлдыз  Мирас, Балым

               Қара шаңырақ ел күні,
              Асқақтатып тұр мұңы.
              Елтаңбасы елдігім,
              Елдің тыныш тірлігі.           Аңсар

              Тәуелсіздік жолында,
              Талай-талай тер төккен.
              Билігің өз қолыңда,
              Еркіндігім, елдігім.         Айлана

             Шықты тарап ой данадан,
              Бері қарады жұлдыз беті.
             Өзі қалап, сайлап алған,
             Елімнің бар президенті.       Милена

2 –жүргізуші:      

Ән: «Бала тілегі»  Медина

1 –жүргізуші:      

 Балалар, Қазақстан қандай басқа елдермен шекараласып тұр?
-Дұрыс айтасыңдар өзбек, ресей, қытай т.б елдермен көршілес екенбіз.

Сонда, балалар біздің қазақстан  көпұлтты екен.

Үнді биі:  Қыздар

2 –жүргізуші:      

Хор:  «Біз Отанның ұланы»     Ұлдар:   

 1 –жүргізуші:      Оттанның  қасиетті тілін сүйем,

                                Отанның құдіретті үнін сүйем.

                                Отан, отан бәрінен биік екен,

                                Мен оны мәңгілікке сүйіп өтем.

 2 –жүргізуші:

Бүгінгі Тәуелсіздік мерекесімен барлықтарыңызды шын жүректен құттықтаймыз. Сіздердің  отбастарыңызға амандық, дендеріңізге саулық, осы балапандарыңыз Қазақстанымыздың туын желбірететін, биік шыңынан көрінетін азамат пен азаматша болуға тілектеспіз.